Sustatzaileak

Zalantzarik gabe, elkarlanari esker garatu dira Mintzapraktika egitasmoak. Tokian tokiko egitasmoak herriko euskara elkarte, euskaltegi  eta udaleko ordezkariek osatzen dituzten Jarraipen Batzordeen bidez koordinatzen dira.

Maila orokorrean, Euskara Elkarteek garatutako  egitasmoen kasuan, Topaguneko Mintza Batzordean  elkartzen dira herrietako dinamizatzaileak. Batzorde honetan proiektuak eta aldaerak konpartitzeaz gain, ekintza bateratuak antolatu (Mintza Eguna, esate baterako) eta etorkizuneko erronkak eta lan ildoak aztertzen dituzte.

Mintza Batzordea 2012

Era berean, Euskaltzaleen Topagunea AEK, IKA, gainontzeko euskaltegiak, zenbait udal eta Eusko Jaurlaritzarekin ari da elkarlanean, programak hedatu eta egonkortzeko.

Orokorrean, Euskara Elkarteak eta AEK dira egitasmoen sustatzaile nagusiak, baina beste zenbait euskaltegi eta udal ere lan honetan ari dira. Denen artean, 6.000 mintzalagun koordinatzen dituzte astero astero. Horrez gain, Maramara enpresak MINTZANET online bidezko ekimena kudeatzen du.

Webgune honetan Mintzapraktikari buruzko informazio orokorra eta Topaguneko kide diren euskara elkarteen berriak biltzen dira. Gehiago jakin nahi izanez gero, AEKren http://praktikatu.blogspot.com.es/ webgunean ere sar zaitezkete.