Mintzapraktikak euskaltzale guztiak batu nahi ditu ikasturte berri honetan

  • “TÚtik GUra. Ongi etorri Mintzalagunon Mundura!” da urte honetako Mintzapraktikaren egitasmoaren leloa.
  • Gaur egun mintzalagunen sarea 6.000 pertsonek elikatzen dute 22 herrialdeetan
  • Jadanik zabalik da mintzapraktika egitasmoetan izena emateko epea: www.mintzalaguna.eus

MintzaEguna300x300Gaur zabaltzen da Euskaltzaleen Topaguneak urtero antolatzen duen Mintzapraktika egitasmoaren izen-emateak. Urte honetan egitasmotik TÚtik GUra. Ongi etorri Mintzalagunon Mundura salto egiteko gonbidapena luzatzen diegu euskaltzale guztiei, euskaraz lagunartean, modu eraginkorrean eta giro ezin hobean aritzeko.

Euskaraz bizi nahi dutelako, beldurrei aurre egin nahi dietelako, ahaztutakoak berriz gogorarazteko edota euskaraz gozatzeko, arrazoi ezberdinak medio, gaur egun 22 herrialde desberdinetan 6.000 lagun baino gehiagok hartzen dute parte egitasmo honetan eta urte honetan kopuru hori igotzeko asmoa dago.

Mintzapraktika bospasei laguneko taldetan elkartuta egiten da eta parte hartzeko bi baldintza bete behar dira: euskaraz komunikatzeko gai izatea eta astean ordubetez elkartzeko prest egotea.

Euskarazko komunitate bat baino gehiago

Mintzalagunen komunitatea ez da soilik elkarrekin euskaraz hitz egiteko tartea, baizik eta esperientziaz, bizipenez eta emozioez osoturiko mundu zabal bat. Denek dute amankomuneko helburu bat, aisialdian euskaraz gozatzea, baina denborak aurrera egin ahala hizkuntzaz haratago doazen beste emozio eta bizipen batzuekin egiten dute topo mintzalagunek.

Elkarrekin bizi dituzten esperientziak eta sentsazioak batzen dituzte bidelagunak eta bidelariak ikusiezinezko lotura eta harreman sendoak sortuz, komunitate bat izatetik mundu berri bat eratuz. Askok, egitasmoaren helburua bete ostean ere elkartzen jarraitzen dute.

Mintzalagunek beraiek izango dute giltza mundu berri horretara euskaraz bizi nahi duten guztiak gonbidatzeko. Izan ere, bai bidelaguna eta bidelariak izango dira urte honetako protagonistak, biak baitute zer esana kanpaina honek barruan.

Parte hartu mundu berri honetan

Euskaraz gehiago hitz egitea nahi baduzu, edo euskaraz hitz egiteko gaitasuna landu nahi baduzu, hau da zure aukera. Mintzapraktika bospasei laguneko taldetan elkartuta egiten da eta parte hartzeko bi baldintza bete behar dira: euskaraz komunikatzeko gai izatea eta astean ordubetez elkartzeko prest egotea.
Adiskide giroan arituko zara hizketan eta pixkanaka somatuko duzu mintzapraktikaren efektua, izan ere, esperientziak erakutsi digu hizkuntza bat bidelagunekin batera ikasten bada, orduan indartzen dela haren erabilera. Kalean ere imajinatzen ez zenuen hamaika pertsonekin hasiko zara euskaraz hitz egiten.
Mintzapraktika egitasmoetan izena emateko aukera eta informazioa herri edo eskualdeko euskara elkartean, euskaltegian, Udalean edo www.mintzalaguna.eus gunean duzu eskura. Eskatzen duena baino gehiago ematen duelako bueltan!

 

Mintza Egun ederra eta emankorra Lapuebla de Labarkan

Mintzalagunon munduak euskaraz konektatzeko eta elkarrekin esperientzia ahaztezinak bizitzeko aukera paregabeak eskaintzen dizkigu. Bidelagunak eta bidelariek elkar hartuta egiten dugu bidaia aberasgarri eta emankor hau. Helburu desberdinak baina emozio partekatuak dira oinarri. Sare eder honen partaideak tokian toki euskaraz bizi eta urtean behin elkartzen gara, Mintza Egunean.  Gure begiradek topo egin eta komunitatea indartzeko ospakizun eder honetan hain zuzen ere.

topagunea-mintza-eguna-2019Aurten Lapuebla de Labarka izan da gure topalekua, ospakizunean 150 pertsona elkartu gara. Bertakoak eta Euskal Heriko hainbat txokotatik joandako mintzalagunak hurbildu dira: Bera, Doneztebe, Elizondo, Iruña, Hondarribia, Donostia, Elgoibar, Pleantxia, Bergara, Arrasate, Lehintz Gatzaga, Gasteiz, Derio, Algorta… Urterik urte euskaltzale berriek mundu eder honekin bat egiten dute.

Hiru autobusetan bidaiatu dugu elkarrekin, jai giroa eta elkar ezagutzeko gogoa nagusi. Eguraldia lagun, Lapuebla eta herria eta ingurunea ezagutzeko primerako aukera izan zuten bertaratuek: ardo eta olioa dastatzen ikasi, Covila upategia bisitatu, Poveda parke naturalae ezagutu… Esperientzia fresko eta parte hartzaile hauek egun beroa freskatzen lagundu dute.

Aurten Jaime, Goreti eta Susanak osatutako mintzalagun taldea omendu dugu. Bereziki Jaime Kortabarria, egindako lanagatik. Izan ere, Arratzuko izan arren, Bastidako taldearen kide aktibo eta emankorra da. Iaz Alain Callejok Arabako Errioxan Mintza Eguna antolatzeko lekukoa jaso zuen eta aurten bera izan da omenduei saskia emateko arduraduna. Zorionak zuen ekarpen aberasgarriengatik!

Bestetik, Hondarribiko Mintzasaltxerak ere gorapaitu ditugu eta beraien egindako ekarpenak eskertu dizkiegu. Mintzasaltxeren laguntzeko prestutasuna eta Euskararen Ginkanan egindako lana nabarmendu nahi izan ditugu. Izan ere, fin-fin ibili ziren lanean baina oraingoan ez dute finalera heltzerik iritsi eta jokoan zeuden 3000€ak hurrengo baten lortzera animatu ditugu.

Mintzalagunon arteko konexioa jarduera, herri bazkari, zozketa zein dantza plazan nabaria zen. Elkarren eskutik esperientzia ahaztezinak bizi ditugu euskaraz, sare eder ehuntzera animatuko al zara?

Tutik gura mintzalagunon mundura salto egiteko gonbidapena luzatzen dizugu. Euskara duzu mundu magiko honen giltza. Bidaia eder honetan bidelagun eta bidelari berri asko ezagutzeko aukera parez pare duzu. Erdoildutako euskara olioztatzeko edota euskaraz bizitzeko gogoa baldin baduzu egin gurekin bat! Zure ingurukoren bat ere gonbidatzera animatzen zaitugu. Ongi etorri mintzalagunon mundura!

Mintza Eguna 2019

Mintza Eguna Lapuebla de Labarkan ekainaren 1ean

Euskal Herriko mintzalagunok gure festa handia ospatuko dugu ekainaren 1ean, Lapuebla de Labarkan. Eta euskaltzale guztiei luzatuko diegu gonbitea gurekin batera, euskararen inguruan,  jaiaz gozatzera etorri daitezen: “TÚtik Gura! Ongietorri Mintzalagunon mundura!”

Izan ere, urtean zehar herri eta auzoetako Mintza taldeetan aritzen gara euskara praktikatzen, baina Mintza taldeak ez dira soilik euskaraz hitz egiteko modu bat: guk ondo dakigu Mintzalagunona mundu bat dela, euskararen praktikatik haratago, emozio, ekimen, harreman eta bizipen ugari biltzen dituena. Euskara bakardadean gordetzetik, lagunartean gozatzeko saltoa ematen dutenen mundua eta beste batzuei salto hori ematen laguntzen ari direnena.

Guztiok elkartuko gara Lapuebla de Labarkan eta  euskaraz mingain eta zangoak astintzeko moduko egitaraua dago prestatuta.

Gonbidatu zure ingurukoak ere festara: etor daitezela ekainaren 1ean Lapueblara, gurekin batera euskaraz gozatzera. TÚtik GUra! Ongi etorri Mintzalagunon mundura!

Irakurri gehiago

MINTZA TXOTX 2019 Mintzapraktika egitasmoen sagardotegia

MINTZA TXOTX 2019 Mintzapraktika egitasmoen sagardotegia

Datorren otsailaren 23an ospatuko dute, Iruñerriko Baztan, Bortziriak eta Malerrekako Solaslagunak eta Irun, Donostia  eta Hondarribiako Mintzalagunek,  MINTZA-TXOTX! Eguna.

Zazpigarren urtez elkartuko dira Lesakan eta urtero bezala Linddurrenborda  sagardotegian bazkalduko dute bertaratuek, baina aurten aurretik Lesaka ezagutzeko aukera ere izango dute bertaratuek egingo duten bisita gidatu bati esker.

Irakurri gehiago